就快x'mas的星期六

這個星期過得很開心
本來有點忙碌的星期六，現在都過得很充實，每個星期就約朋友仔去街睇戲食飯，笑足一個晚上。尋日就和幾個好朋友仔去outback聚餐，除了笑，我們仲refill左好多次飲品、食左5個黑糖麵包，映左兩張友人和男朋友的sweet sweet 相 (唔係出自我映的 ~ 笑)。好期待下次再和你們聚聚，雖然我每次見到你們就有點失控，但係都想問下次係唔係去某人屋企食上海年糕呀？ 哈哈哈


星期六的下午和友人來了一個小聚會，一邊食cake一邊安排了聖誕節的行程，很期待呀 ~

屋企食火鍋

每個星期日最期待當然是返屋企食晚飯啦，一個人住、一個人食晚飯，很多時食得很是但的，返到屋企食就不同啦，每次有魚有湯有海鮮，哈哈 ~
今個星期日的氣溫比較凍，屋企人就提議打邊爐，我最愛最愛在家中打邊爐，街外的打邊爐，要食得品質比較好的，往往都很貴，試過一次同家人4個人食左成千銀 ... 好明顯係屋企自己打就不用呢個價錢啦。
屋企人都不喜歡食肥牛肉的，媽媽愛買新鮮牛柳打邊爐，我依家睇到張相 ... 就好想食啦，唔知點解d牛肉好甜好甜。

屋企人打邊爐食的種類不多，不會食丸類的，最多會買雲吞那一類的點心，和海鮮。不過屋企人唔食得蝦 ... 無得食 ...

最尾個張因為我食住牛肉映，亦因為太好食 ... 所以好食到手震，哈哈哈。之後放棄映相不停食，所以得咁少相 (笑)

不過最失敗係我連飯後的甜品都唔記得映呀




期待下星期日
唔知下次食o麥呢

死物都會小氣嗎

中國人一直都很迷信的，聽說過有身孕未足三個月都不要公告天下，會很易流產的，因為bb仔是很小氣的。亦有試過，前一日才講自己很少會生病，第二日就開始發燒的經驗，聽說是因為身體小氣。當然呢個係迷信的說法啦 ~


尋日放工後，一邊和友人講電話一邊坐地下鐵到黑盒睇表演，對話的內容


『我個袋好重呀，唔知點解成日都咁重的，不如丟左佢囉』
『好呀 ~! 你依家就丟啦』
『我丟左你會唔會幫我拎返的』
『唔會wor』


當然以上的是一大段毫無意義對話，不過我每日的袋都勁重是真的。


重點來啦
就在我掛斷電話不夠15分鐘之際
我手袋的帶突然斷左 ... 斷得毫無先兆

是我今日拎太多野嗎 ... 還是手袋小氣，以為我唔要佢，所以自殺。

結果在附近的商場買了一個新的包包，舊的那一個 ... 已經叫店員幫我將佢安葬好。

行行下街爛左個袋都未算係最慘 ... 最慘是


『小姐，你有冇xx credit card 呀，呢個包包有六折呀』
『我冇wor』
『冇呀 ... 咁就無辦法啦』

買貴左野 ... ... ... 個心依家仲好唔安樂
唯有當自己係屋企坐的士到黑盒，再買左個包包覺得好靚 ... 之後本來個包包無啦啦唔見左啦





回程的時候見到香港站行到中環的時候有



Swarovski 水晶天花

早兩個星期才和友人在又一城食飯，講起那一年又一城的水晶聖誕樹好靚 ~



是日晚餐和爸爸提早過生日 ~ ^__^

渺渺

今日打了好幾通電話，send了一個sms。


我是那一種當有突如其來多出來的時間，總是不懂得怎樣去安排的人，結果放工後友人一個來電，我們就來一個突如其來的飯局。
和友人約好八點在大戶屋門口等，因為聽說晚飯時間要等上半個小時才有得食。有人陪的等待總是美好的，時間都過得特吃快，很快就叫到我們的號碼了，我快速地就點了一個大戶屋招牌定食。


我很喜歡定食的，食完總是有很滿足的感覺。一個定食有白白的米飯，有暖暖的湯，有前菜和主菜，一餐裡面包含了好多種的食物，大滿足。

很鍾意好鍾意招牌定食入面的薯餅，加入了少許的八爪魚，咬起來感覺QQ的，薯餅上面的半熟蛋我最鍾意加入白飯之中，白色的米飯變成金黃色的，超吸引 ~

食完晚飯後我和友人就行到太古城中心，本來打算去看看今年太古的聖誕節裝飾的，結果 ... 我們兩個人即興去了看電影。


友人『我想看渺渺』

我『9:40分場 ... 買飛睇囉』

友人『真的嗎』

我『係呀，今日仲要星期二睇戲好平，而且現在又剛好9:40分』


就這樣 ... 看了《渺渺》





【渺渺】是一個關於我們在青春之中，感情從簡單變複雜的旅程；是發現甜蜜裡帶有苦澀的蛋糕，是一個「第一次碰到一個沒有愛上我的人，和一個愛過我的人」的夏天。
整套電影就是很有青春的感覺
在不知不覺之間出現的愛情，不需要有任何的理由
不需要在乎對方的條件，不用理會值得不值得，不在乎對方的性別
就只是單純的愛
雖然未必懂得去表達，不過我想這就是愛情的一種。
在那個時候的他們就好似高中時候的大家一樣，一開始的時候恨本不在乎天長地久，只是慢慢在品嚐愛戀開始時的甜、酸、苦。
每個人都在愛情的路上旅行

其實有能力去喜歡上一個人
有一個人
讓你掛念
讓人心痛
讓你開心地笑
就已經是一件很幸福的事





很多謝你今晚陪我

《海角七號》

十級推介的電影

海角七號_Cape No.7_五分鐘完整版預告







等了一個星期，終於和友人看了《海角七號》。




之前已經聽過台灣朋友講它的好，我亦知道因為我不是台灣人，當中的感動可能會有所打折。
不過當聽到八成的對白都是台語，見到馬念先出場，聽到ciacia的《給女兒》，聽到他們提了好幾次春天吶喊，我內心真的尖叫了好幾次 ~ (笑)





整個電影演了好幾種不同的愛情，有小孩子之間的『情』，有失去了對方後思念的『情』，有明知對方有老公三個孩子的不可的『情』， 勤奮的馬拉桑和飯店櫃小姐之間的『情』， 男女主角之間的『情』和穿越時空的『情』，雙戀、單戀和苦戀都有的愛情片。




除了愛情，亦流露了台灣的小事情，好像老一輩的都會講會唱日語，小城鎮的年輕人大都出大城市工作，有少部分留下來的，大多都是有迫不得己的原因才留下來。反倒過來，外來的人就看了小島的好處，來買地興建酒店，請本土的人當工人做職員。戲中有一段是令我有特別深的印象，阿嘉的爸爸是恒春的代表，一直為本土增取利益，他在自我介紹的時候，講了一段大約是『 ... ... ... 我最大的興趣是殺人、放火、燒屋，我最大的心願是燒光整個恒春，把在外地的年輕人全都找回來，再建恒春，不用再在外地當工人。』

代表了大多的小島居民內心的吶喊





美麗的恒春


除了這一些，當然不可以不提它的音樂，《海角七號》的OST在看電影之前已經聽了很多很多次了，看著電影中的演員再唱一次，感受當然是不一樣啦，特別是大大唱的那一首《愛你愛到死》。一個小女生，大聲地唱著『愛你愛到不怕死 但你若劈腿 就去死一死』，真的有點酷。

ok啦ok啦 ~ 除了以上一大堆好像很正經的劇情，還有很多很很笑的小片段，所以一定要去看啦。 雖然CUT了滿多的片段 ... 之後是一定要買DVD啦 (笑)



P.S︰很喜歡看到有一段男主角為女主角刷掉面上的淚痕和睫毛液，很細心、很溫柔、很浪漫呀 ~

又一城快樂聚餐

上星期和幾個好朋友在又一城聚了一個愉快的下午。





我經常太古城的SimplyLife買麵包，特別愛買它的法包當晚餐和第二日的早餐，不過食lunch就是第一次了。

那一個午餐好不好食不是重點，重點是有朋友陪的一個下午是非常愉快的事。

第三者

今日朋友做了一個決定，我當然為他終於了結心事而開心了。我知道當第三者不易，仲要係當一個只有付出的第三者，點會開心呢！

他們開始的時候，我經常形容他為二奶，不同的係，當二奶的 ... 個男人都會俾下家用個二奶，買下野俾個二奶呀 ~ 他呢 ... 只有付出

一個電話就俾叫了出去，少少的事就令他胡思亂想和擔心，處處為對方，怕其他人覺得對方唔好





有時候我會諗

係因為已經喜歡上了 已經愛上了 明知是錯的 都沒有辦法放手

定係只不過是心有不甘 唔肯放手 一定要爭到正印的位置呢

撞車

咁大個女，第一次撞車。

今日在坐叮叮(由細到大我都叫電車做叮叮) 回家的途中，突然撞上對頭的巴士。當時我人身處在叮叮的車尾，而巴士撞了叮叮之後就慢慢行駛至我旁邊的位置，事發的時候我只是感到車身很大的搖晃了一下，再黎就係車上一大堆人的吵嚷聲。『嘩 ~ 發生mei事呀』『你睇下架巴士，後面個玻璃窗碎左』 ... etc ... ... ... 而我呢，唔知係唔夠八卦，定係好奇心不足呢，總之就係懶理，企係到等發落啦。望望四周的人的反映，望望眼前巴士上的人的反應。

當全車人都離開架叮叮，我仍然聽到一大堆太太在高聲談論出事的原因、過程 ...


這樣一來，令我想起上個月在地下鐵發生了一件事，當日上車時見到有一名外籍人士訓左係離我不遠的椅子上面，過了好幾個站，列車突然停駛，只見幾名月台的人跑來，之後一名男人企出來話個外籍人士已經訓了好多個站，怕佢死了 ~

之後就出現了很多路人，走去旁觀，仲有人是在隔離的車箱跑過來問發生mei事。


這一些是不是證明了大部份的香港人都愛八卦和好奇心過盛呢

秋天？

走出琴行的第一個感覺就係
又秋天？？？

現在明明是四月，我卻嗅到秋風的氣味，心情就開始有點憂鬱起來。

就好似每次睇完關於大型災難的電影，心理上總是覺得電影入面的情景離我們現實不遠。所以我成日都會幻想世界未日的到來的時候，唔知係唔係好似the day after tomorrow一樣呢，又或者好快就會好似coverfield一樣有大形變種生物先出現，(呢個好似難左少少) 最大可能應該是大海潚，你想想全球暖化，之後近年很多地方的氣候都出現奇怪的現象，所以世界未日好大可能是因為天然災害。

之後我開始諗 ... 死啦 ... 雖然要死，咁會點死的？？？我唔識游水，如果真係海潚，我一定是第一個死去的。但係我真係好怕水囉，唔知有mei方法死我冇咁辛苦呢，不如俾大形變種生物一腳踏死，但係又好似死得好樣衰 ... ... ...

算吧啦，諗點死之前係唔係應該先諗諗環保

環保？
你睇睇香港
你就知

無可能啦

肥定瘦

上課時，學生對我講的第一句說話是『你好似肥左』

上星期的同一天、同一時間、我被佢同班的同學講左同一句說話。我的回應是『上星期已經肥左，今個星期咁快又肥左。』


以上事件已經唔係第一次發生，我的一個中學同學，每次見面，佢都一定會問我係唔係『又』肥左。


一個星期增肥一次

每次和朋友見面前再增肥一次



我究竟可以再肥幾多次和增多幾多磅呢


回到家中，上磅 ... 奇怪的是我的體重沒有明顯的增加、減少。(雖然我承認比讀書時增加了十X磅)


咁我下星期是不是可以再肥多一次呢。

失常中的我

今日一早就回到文化協會考試，本來 ... 試應該係尋晚就完了的 ... 就係發生了一d起白痴的事 ... 結果要今朝再去考過。

其實我今年在文化協會係讀緊普II年的課程，不過呢幾年時間過得太快了，我而仲一直以為自己開始讀日文冇幾耐，仲係讀緊普I。

當晚在7點20分已經到達Office，等到7點45分開始登記入坐，我就在104號課室普I的一行坐低左。

第一份paper要做1hr的，開始前 ... 佐藤先生問我點解係呢個課室，但係個時我都仲未知自己考錯試。仲同佢係到傾計 ... ... ... 就係咁 ... 我開始了做普I的PAPER。開始做的時候都覺得怪怪地，因為生字的部分，全部都唔係我剛剛溫完的，而是以前教過的。我個時仲要白痴到諗『唔知係唔係要考返之前加以家學過的野呢』 ... ... ... 到我做完左再check份paper先發現 ... 點解冇一樣係今年教過的，仲要有好多問題 ... 好似上年考試出過的。

到的發現個陣 ... 我已經用了45mins去做完一份我上年做過的paper ... so shit ~
結果 ... 在考完PAPER，再被叫到去的本來的考試場地102號課室，再做Listening的paper ... ... ... ... ...

當晚回家路上，收到學校打黎的電話

『xxx同學係唔係呀』

『係呀』

『你做mei咁唔小心考錯試呀』

『我 ... 我 ... 我 ... 其實的係白痴，唔好意思』

『 ... ... ... ... 不如你聽日再黎考過啦』

『好呀好呀 ... 幾點呀』

『12點ok嗎』

『ok呀，咁要唔要再考listening份paper呀』

『... ... ... ... ... listening ... ... ... 你頭先考左啦，唔洗再考了』

『哦 ... 』

『聽日記得唔好遲，遲左唔等你，你就冇得考啦』

『哦』

又一個blog

每次開新的blog
第一篇總是寫，又開新blog，希望自己可以keep住每日每日去寫。而事實上呢 ~ 人總是有一大堆偷懶的理由的。

而我呢，不斷開新blog的理由都總是覺得一直找不到令我滿意的blog。

- 要靚
- 容易找回早幾個月什至早幾年某一天的entry
- 分類清楚
- 快 ... 一定要快
- upload 相方便的

etc .... (下省100個理由)

哈哈 ~

現在先給blogger一個試用期，希望我會用得稱心滿意啦。