夢的內容

暑假終於完了，九月份亦過了一半有多了，日子總算是回復正常。所謂的正常是下午才開工，可以訓到自然醒。

不知有幾多人會記下自己所發過的夢呢。

我習慣在日記上寫滿夢的內容。開心的、不開心的，看一看記下的，大多是不開心的夢，聽說夢會反映出真實，但是有時太真實，醒來的時候滿面淚水的感覺真的有點不好受。

怕自己忘記所以要記下，記下來又令自己不開心，倒不如去學習忘記。

這兩天起來試試去改變，雖然有點怪怪地，不過感覺還不錯。

五月天

喜歡上五月天已經十年多了

一直以為對你們的熱情早已經減退了，但是踏入五月 一直堅持今年不看演唱會的我 ... 開始有一點的後悔了...

雖然有一點趕，開場前的一個小時，終於確定了門票我終於趕上了，而且很喘！

今年的香港演唱會是最令我感動的『瘋狂世界+候鳥』的前奏、在VCR看到了『你要去哪裡』的片段、尾場的時候和親愛的你來了一個『羞羞臉擁抱』一個人睇的場次，打了一通電話和你分享了『溫柔』、還有一首又一首很久沒唱的舊歌 ... 許許多多的回憶。



『現在是2001 永遠的2001 跟想像有點距離 我將他唱在歌裡 曾經屬於我們的相信 希望我們永遠都不會忘記』

尾場的門票得來更加有點驚險，本來的門票，在30號下午得知被人賣了 ... ...(我覺得個賣家想我俾多d錢買個兩張飛囉，因為我在半夜收到對方的e-mail，話有同一行的飛可以賣俾我 ... 但係要$1900！！！)，在我努力下和朋友的協助下打電話 (其實我知你好眼訓 或者係訓左)，買到和上年尾場同section的位。

雖然我和你好唔夾 ... 哈哈哈但係我都係好鍾意同你一齊睇五月天演唱會囉 ~~~~ ！！！『我和你都約好了 要再唱這首笑忘歌這一生志願只要 平凡快樂 誰說這樣不偉大呢』

自家釀梅酒

第一次學人自己整梅酒

其實是學生家長在復活節後買了一堆青梅俾我 ... 所以先去整梅酒！

梅子仔細洗乾淨，再用清水浸12-15小時去除澀味。

訓前浸梅，第二日起床時剛好夠鐘開工！

之後再用乾毛巾小心地一粒一粒拭乾和去果蒂。之後再放一段時間，最重要是完全不想表面有水分殘留。

等了一個下午，再用竹籤在青梅的果實上扎刺很多洞穴，準備放入容器。

放入一層冰糖一層青梅，再加入米酒。

完成後大約就是這個樣子了！

只要記緊放在冷凍陰暗且不會有陽光直射的地方，每隔10日搖動一下容器，使中間的糖溶解就可以了！

等大約三個月就可以有美味的梅酒飲了！

最近的早餐 ~

呢期早餐喜歡將雪櫃有的都切切切切，再攪攪攪攪

半個蕃茄去籽

加洋蔥

再加上半條青瓜

加入前一晚食唔晒的三文魚，最後加半個熟透的牛油果、檸檬汁和橄欖油。

攪拌後就完成了 ~ 真的快、靚、正！



第二日再黎，不過改少少內容

少了三文魚和蕃茄，多了日本桃和蟹柳，一樣好味 ~

做早餐又得，加入煮熟的意大利粉再攪拌，又可以當晚餐食 ~ 最重要是顏色美美的，食得更開心~
呵呵

Drop Dead Diva

星期二開始明珠台開始播放『drop dead diva』



內容是講述女主角 deb是一個樣子不俗、夢想成為model的女生, 不過呢 ~ 一開場冇耐就因為車禍死左，在天堂的入口俾人定她的一生得零分 (冇做過一件好事，亦冇做過一年壞事)，之後她手多多亂按天堂看門人枱面的按鈕，就回到人世。不過 ... 哈哈 ... 佢唔係返去自己身材超fit的身體，而係去了一個肥婆jane的身體入面。

好 ~ 最吸引我的地方就係，deb有個男朋友 - grayson，我好有興趣去睇grayson會唔會有一天發現自己個靚到暴女朋友變成了肥不過有inner beauty的jane，而又唔會唔接受佢呢！

結果我好痴線地用左一晚睇晒season one！

之後 ... 我發現 ... 好失望 ~

等我一開始個陣睇到grayson講起死去的deb個陣都眼濕濕，以為佢都係好深情啦，點知唔夠一個月 ... 就鍾意左第二個，仲要同阿jane講係個女人身上見到deb的影子！！！！

嘩嘩嘩 ~~~ 男人

好 ~ 夠啦！
我諗第二個season都未必好睇，係finale見到jane多左個老公出黎我就已經唔多想睇。

築地日本料理 Tsukiji

睇完電影和S小姐回到中環食晚餐，煩惱食mei的其間，在openrice見到這一間位於結志街的『築地日本料理』評語亦不錯，就去試試看。

筷子印上店名 ~ 美美的

子薑的容器好可愛，而且薑的味道不錯呀！

兩個人唔想再諗食mei，最後叫左個二人餐，最先來的是壽司和刺身

比較鍾意鵝肝壽司和油甘魚刺身，鵝肝煎得剛好 ~ 一啖入口，yeah ~ 油甘魚肥美，大滿足 ~

其他的一般！

不太喜歡這一個燒物，雞翼太乾，不好食。蝦感覺不太新鮮，冬菇、青椒、雞腎等等一般而已。

烏冬一般，唔係手打的，食得過咁啦。

最後的咖啡啫喱反而幾ok ~甘甘甜甜的！

其實仲有一枝清酒的，杯細細，易入口，不錯的。不過冇映相

整體黎講就是中規中舉啦

地址 :中環結志街46號地下

英文地址：TsukijiG/F, 46 Gage Street, Central
電話 : 2542 3802
消費 : $41-$100

How to Train Your Dragon

上星期六約好了友人S小姐去逛街，但是當日大家都累了，在大家都全無戰意之下，在逛了H&M一大個圈後，得出一個結論就是 ... 不如搵個地方坐下HEA左佢 (笑) 哈哈！在我的強烈要求下，S小姐最終要倍我去睇卡通片 - 『馴龍記』How to Train Your Dragon

Iphone最方便的就是可以立即check到附近戲院的場次和剩餘座位的數量，雖然我們身在中環，最近的戲院就是IFC，不過 ... 唔知點解我次次在IFC睇完戲都會想嘔和勁頭暈，所以我地山長水遠去左數碼港睇戲，朋友話其實好近wor ~ 結果我地係坐左的士 ... (我好明顯是的士之友)

今次都算是第一次睇3D的電影，上次睇的『Alice in the wonderland』一點都唔3D囉！嘩 ~ 而我覺得全套戲最靚、最3D的地方是一開始Dream work的月亮、水同雲 ~ 哈哈

已經約好朋友下次要去睇 toy story 3D ~~~~ 好興奮！最重要係 ... 朋友係toy story 1和2都未睇過呀 ~ 哈哈哈 ！