自家釀梅酒

第一次學人自己整梅酒

其實是學生家長在復活節後買了一堆青梅俾我 ... 所以先去整梅酒！

梅子仔細洗乾淨，再用清水浸12-15小時去除澀味。

訓前浸梅，第二日起床時剛好夠鐘開工！

之後再用乾毛巾小心地一粒一粒拭乾和去果蒂。之後再放一段時間，最重要是完全不想表面有水分殘留。

等了一個下午，再用竹籤在青梅的果實上扎刺很多洞穴，準備放入容器。

放入一層冰糖一層青梅，再加入米酒。

完成後大約就是這個樣子了！

只要記緊放在冷凍陰暗且不會有陽光直射的地方，每隔10日搖動一下容器，使中間的糖溶解就可以了！

等大約三個月就可以有美味的梅酒飲了！

最近的早餐 ~

呢期早餐喜歡將雪櫃有的都切切切切，再攪攪攪攪

半個蕃茄去籽

加洋蔥

再加上半條青瓜

加入前一晚食唔晒的三文魚，最後加半個熟透的牛油果、檸檬汁和橄欖油。

攪拌後就完成了 ~ 真的快、靚、正！



第二日再黎，不過改少少內容

少了三文魚和蕃茄，多了日本桃和蟹柳，一樣好味 ~

做早餐又得，加入煮熟的意大利粉再攪拌，又可以當晚餐食 ~ 最重要是顏色美美的，食得更開心~
呵呵

Drop Dead Diva

星期二開始明珠台開始播放『drop dead diva』



內容是講述女主角 deb是一個樣子不俗、夢想成為model的女生, 不過呢 ~ 一開場冇耐就因為車禍死左，在天堂的入口俾人定她的一生得零分 (冇做過一件好事，亦冇做過一年壞事)，之後她手多多亂按天堂看門人枱面的按鈕，就回到人世。不過 ... 哈哈 ... 佢唔係返去自己身材超fit的身體，而係去了一個肥婆jane的身體入面。

好 ~ 最吸引我的地方就係，deb有個男朋友 - grayson，我好有興趣去睇grayson會唔會有一天發現自己個靚到暴女朋友變成了肥不過有inner beauty的jane，而又唔會唔接受佢呢！

結果我好痴線地用左一晚睇晒season one！

之後 ... 我發現 ... 好失望 ~

等我一開始個陣睇到grayson講起死去的deb個陣都眼濕濕，以為佢都係好深情啦，點知唔夠一個月 ... 就鍾意左第二個，仲要同阿jane講係個女人身上見到deb的影子！！！！

嘩嘩嘩 ~~~ 男人

好 ~ 夠啦！
我諗第二個season都未必好睇，係finale見到jane多左個老公出黎我就已經唔多想睇。

築地日本料理 Tsukiji

睇完電影和S小姐回到中環食晚餐，煩惱食mei的其間，在openrice見到這一間位於結志街的『築地日本料理』評語亦不錯，就去試試看。

筷子印上店名 ~ 美美的

子薑的容器好可愛，而且薑的味道不錯呀！

兩個人唔想再諗食mei，最後叫左個二人餐，最先來的是壽司和刺身

比較鍾意鵝肝壽司和油甘魚刺身，鵝肝煎得剛好 ~ 一啖入口，yeah ~ 油甘魚肥美，大滿足 ~

其他的一般！

不太喜歡這一個燒物，雞翼太乾，不好食。蝦感覺不太新鮮，冬菇、青椒、雞腎等等一般而已。

烏冬一般，唔係手打的，食得過咁啦。

最後的咖啡啫喱反而幾ok ~甘甘甜甜的！

其實仲有一枝清酒的，杯細細，易入口，不錯的。不過冇映相

整體黎講就是中規中舉啦

地址 :中環結志街46號地下

英文地址：TsukijiG/F, 46 Gage Street, Central
電話 : 2542 3802
消費 : $41-$100

How to Train Your Dragon

上星期六約好了友人S小姐去逛街，但是當日大家都累了，在大家都全無戰意之下，在逛了H&M一大個圈後，得出一個結論就是 ... 不如搵個地方坐下HEA左佢 (笑) 哈哈！在我的強烈要求下，S小姐最終要倍我去睇卡通片 - 『馴龍記』How to Train Your Dragon

Iphone最方便的就是可以立即check到附近戲院的場次和剩餘座位的數量，雖然我們身在中環，最近的戲院就是IFC，不過 ... 唔知點解我次次在IFC睇完戲都會想嘔和勁頭暈，所以我地山長水遠去左數碼港睇戲，朋友話其實好近wor ~ 結果我地係坐左的士 ... (我好明顯是的士之友)

今次都算是第一次睇3D的電影，上次睇的『Alice in the wonderland』一點都唔3D囉！嘩 ~ 而我覺得全套戲最靚、最3D的地方是一開始Dream work的月亮、水同雲 ~ 哈哈

已經約好朋友下次要去睇 toy story 3D ~~~~ 好興奮！最重要係 ... 朋友係toy story 1和2都未睇過呀 ~ 哈哈哈 ！

Rumtopf (1st)

3月中的時候在page one 買了一本名叫 『Le Cordon Bleu - The Cook's Bible』的書，本書要成$333 ... ... ... 為了不浪費買了一本咁貴的書，就找了其中一個比較有興趣又簡單的食譜來試試看。

剛好三月的時候收到家人送來的草莓2大盒

每一顆都又大又紅

立即加了一點煉奶食了一盒

剩餘的就用來整 rumtopf

Rumtopf字面上的意思是rum pot，是種傳統的德式酒漬水果保存方式。只要將成熟的水果與糖，一層層地疊在石罐或玻璃罐內，注入rum酒浸泡，加蓋密封就可以了。

首先為草莓去蒂，再切兩半

準備糖

將糖撒在草莓上，醃漬一整晚

第二日，準備rum酒

(前一晚見到jusco的藍莓有discount，又買了一堆加入。)

把草莓和藍莓放入消毒過的玻璃罐，每疊一層水果，就要加入一層高度的rum酒。就這樣一層一層地疊上去，直到距離罐口約2cm為止。蓋上蓋後密封至少一個月，靜置入味。

期待ing ~~~~

聖誕小物 - decole

一直有買decole系列的小物

最近入手的這個小物剛好掛在大門口上 ~





除了掛面的小物，還買了兩個小印





先來介紹可愛的聖誕老人





買的時候有一個牌牌

牌上有小印印出來的樣子








到小雪人印印

這是他分體時的樣子



合體時勁可愛




小雪人是雪花的圖案

而禮物盒圖案是法文的『merry x'mas』

哈哈