數碼港市集的戰利品

以下是今天的戰利品

勁可愛的布製俄羅斯娃娃香包，忍不住敗了兩隻，一隻打算送給同是天秤座的I小姐

近年愛買印仔，又入手一個寫上『Merci beancoup』的

照片拍得有點黑黑的，懶得去改 (笑)

超愛這一套印印，一連三個放在美美的小布盒子裡面，而且是全人手作的。原以為是小木片的手柄，實情是用硬卡片偽裝的 (聽到是用卡片偽裝木片時，還很失禮地叫人家不要騙我)

印出來的效果就是右下的小卡片的大、小玫瑰花花加上蝴蝶，超美的！

買了回家後再心思思地想訂造有自己名字的印印，想為每一本琴書印上屬於自己的記號。

大大太陽的星期日 - 數碼港

完了早上的堂，和朋友們出發到數碼港

天氣超好的一天 ~ ！很愛大大的太陽，雖然我超怕臉上雀斑的數目不斷上升。

我的斑馬紋婆仔鞋和草地超match ~！

和陽光玩遊戲之餘，去逛了旁邊的手作市集

逛了兩圈已經有不少的戰利品

為了怕買到連車錢都唔夠 ... 決定到附近的餐廳吃午餐

選這間餐廳是因為看到menu上的一句『Choose One Free Dessert』，女孩子都愛甜點！

等待我們的餐點時，很過份地拿出自家煮的毛豆『食、食、食』

甜得有點過份的餐湯

我的牛排還算不錯，不過朋友點的春雞就有點太乾了。

甜點的bownie味道有點似拖肥糖

每人大約$80

地址 :薄扶林數碼港道100號數碼港商場314號舖
電話 : 2989 9551
類別 :法國菜、西餐廳
消費 : $301-$500

星期六的晚上 - 我和我的毛豆們

這個星期身心都是十級的疲累，星期六的晚上早早吃完晚飯，未夠8點就倒在床上睡死了，直到那不間斷的短訊把我叫醒已經是半夜12點了。



看看雪櫃，決定把剩下來的毛豆煮了






加了八角再將水煮滾






水滾後，毛豆們都急不及待地跳入鍋中，這個時候就要準備調味料



待毛豆煮完、降溫、再擦乾，加入調味料混合







就這樣放入雪櫃



星期日的早上放入保鮮盒，去郊遊！

Julie & Julia

《茱莉對茱莉亞－隔代廚神》是根據兩段真人真事改編，由梅麗史翠普及愛美雅當絲領銜主演，講述兩個相隔半個世紀的女廚神，如何透過同一本食譜、同一樣的大無畏精神，烹調出她們的精彩人生。



一直很期待看這套電影，除了因為煮野食，最主要是『她』- 梅麗史翠普



看電影時，聽到她發出的第一個聲音開始，就已經忍不住大笑了，因為實在太似julia child (笑)

那笑聲，可愛的表情，獨特的口音





Julia Child making omelette










JULIA CHILD MEMORIES: BON APPÉTIT! Preview PBS

暖水袋

一向很少有失眠的晚上，前兩晚開始因為天氣太冷，冷得失眠。

最终都是忍不住，半夜跳下床，為自己暖了兩個暖水袋。一個放在床尾，溫暖我的雙腳，另一個用來攬住訓，好溫暖我的身和心。

半夜瘋狂聚會

在半夜的一點半，收到友人的一通電話，內容就是他們人在我家附近，要來一個半夜糖水聚會。

本來打算就寢的我，立即放下上網訂手帳的任務，飛奔落街。

我很喜歡這一種很隨意的聚會，笑笑說說又一晚，雖然眼睛在那個時候已經成了一條線，仍然不停大笑大笑再大笑

朋友們

我真的好愛好愛你們

我愛果醬-手作篇(1)

第一次的手作果醬，原來一點都不難 ~






將蘋果洗乾淨之後，去皮去籽，再左切切右切切，加d糖加d檸檬汁，放入雪櫃幾個鐘之後，再放晒入鍋內。



開火再煮煮煮煮煮 ~~~~ 再加d奇異果，就成了美味的蘋果奇異果醬 ^__^

完成品入果醬中之後 ... 唔記得映相 ... 很急忙地全送給朋友們。

其實仲有香蕉醬、藍莓醬和木瓜醬 ... ... ...

下次一定要記得映相

『寂寞？』

夜深，一個人在家中訓唔著的時候，就會開始感到寂寞。

『寂寞』 ...

今年的我開始變了，特別是生日前一晚。因為距離和朋友相約的時間還有好幾個小時，一個人在街上遊蕩，突然感到不安 ... 望一望手中的電話，好像 ... 找不到可以傾訴的對象。

以前的我一直覺得一個人沒什麼不好，『一個人睇戲』『一個人食飯』『一個人行街』『一個人睇演唱會』

是因為近年多了朋友的陪伴，令我開始有所比較 ... 而不願意再一個人嗎

祝我生日快樂

過了20歲之後，我一直都記不起自己真實的年齡，時間好像在我20歲的時候就停止了。我仍舊是那一個不經大腦講一大堆冷笑話、愛笑、情緒經常失控的女孩。

這廿十多個年頭，我一直相信自己一個人都可以過得好好的。

一個人住

一個人睇電影

一個人逛街

一個人旅行

一個人 ... ... ...

我以為一直很享受一個人的時間的自己，不會輕易被寂寞打敗。

我錯了

眼訓



不過，我的胃很不聽話地翻騰了一整個晚上



想起你的時候，特別嚴重

身心疲累

很累

最近的生活是由早上7點至8點開始，晚上12點才回到家中。

星期一至星期日，沒有休息的時間 ...

中午有時間，就跑回家午睡，就算只可以睡得30分鐘

希望這個可怕的夏天快點過去

希望今年生日過後

星期日不再需要返工

一月一post

上一篇打完改行程去日本，今篇就到去完日本返左香港兩個星期多了。

成個旅程最難忘應該係 ...





- 坐巴士的時候遇上車禍，結果1.5小時的車程變成3.5小時

- 本來識路去食河豚，同酒店staff傾計的時候，佢好nice咁指我地去距離酒店路程15mins的食店，結果 ... 我地跟住地圖行，用左30mins都仲未去到佢指的一半路程

- 食左人生之中最難食的酒店早餐buffet

- 去到機場以為自己跌左放化妝品同錢的包包，係機場打電話返酒店問 ... 又打去巴士公司問 ... 都唔見，成程機失落左好多個鐘之後，返到香港拎行李先發現 ... 在旅行袋入面

- 係機場拎住本passport都可以跌左 ... ... ... 仲要行左好遠都唔發覺，結果有兩位好心的日本男士一路不停叫住我 ... ... ... 一開始仲以為佢地唔係同我講野 (因為大家之間的距離都好遠) 行左好耐都唔理佢地囉！




其實
我應該好開心可以平安返到香港

Spaの旅

一直冇諗過自己會想去泰國，直到這幾星期一直收到travelzoo寄來的e-news。簡直平到不可思議。

二人住VIE Hotel deluex suit 的四日三夜之旅只要3100左右，仲要已經包含tax. 對於不喜歡水上活動的我嚟講，真是perfect到極。

第一時間打電話給我的旅遊好伙伴 - 我mammy.

「依家去bangkok好平呀，不如去spa之旅」

「不如去日本啦，個邊都可以做spa啦，仲有依家去泰國好危險呀，過到去返唔到黎點算，仲有個邊又曬又熱........（下刪數十萬字）」

不過我都唔係咁易放棄的人，經過我一整個下午的電話轟炸之後

「好啦好啦，Bangkok就 Bangkok啦~ 我打俾XX，叫佢幫我返幾日工先啦」


同一時間我就發現左，我地定好的日子已經冇哂去Bangkok的早機啦，再打了好幾個電話都係同一個答覆。



「去Bangkok的機票真係好full啦，不如去等二度啦」

「咁是但啦，我有幾日假，你幫我睇下可以可以去邊啦」

「日本啦，依家機票好平呀，我check左機位啦，最快兩個星期就可以出發」







用了五分鐘左右就訂好哂機票

等我之前仲滿心歡喜買左本旅遊書。

最近

失蹤了好幾個月了，事關本人的電腦壞左近兩個多月。



現代人大部份都是『電腦中毒』太深 (一起身第一時間開電腦，每日返屋企第一時間都係開電腦)，當然我都是一樣啦。

沒有電腦用的第一個星期真的有點辛苦，不過工作忙碌加上要準備考試的關係，一直都找不到時間修理。

就係咁 ~ 等下等下，就過左兩個幾月啦。




這兩個月看了幾場演唱會和電影，屋企『又』水浸，訓覺的時候跌左部iphone落床下底之後跌爆左，拎左7對鞋5大袋衫俾屋企的鐘點阿姐拎返鄉下，再買左八對鞋返屋企先發現放唔晒入鞋櫃，無啦啦瘦左5kg再肥返2kg (原因不明)，再有3個好朋友飛左去外地，因為豬流感取消了預定了的旅行，亦因為豬流感的關係少了工作。


依家

好得閒中

難得好天氣

近來的天氣反覆無常

是不是意味著世界末日就快到？

我可不可以在死前再食多幾次大大粒的士多啤梨。

加油

我知道今天很累了
但是要記得

今天輸的只係比賽
不是信心

憂鬱的春天

這個星期的心情有點憂鬱，是因為太久沒有看到太陽嗎？？？

一整天都頭痛，感覺有點像暈車浪，有十級的痛苦。

近來最愛

我一直都很鍾意到Apita買一杯又一杯的甜品，最近發現這個。





樣子勁似雪糕的乳酪，質地和平日食的乳酪不同，是一種ふわふわ，很鬆軟，有點似雪糕的感覺。

Yummmmmmmmmy !!!!!!!!!

『Slumdog Millionairez』 ... 當黑記

見手上仲有幾張MCL的Gift Voucher，今日上完日文堂，又走左去睇戲。

『Slumdog Millionairez』

成套戲唔係唔好睇，只係睇戲的時候遇上『無品』的人，又真係愈睇愈火滾。

由開場到散場，坐在我後面的女人就一直不停踢我的座位，我都明白康怡mcl的座位比較細，佢的身形又真係會坐得唔係好舒服，所以我忍左半套戲先開口講『唔好意思呀小姐，麻煩你唔好再踢我個位好嗎』 ... 講完唔夠一分鐘 ... continue ...

完完全全反應出『無品』的性格

佢同隔離位的朋友，仲要一直在高聲談論電影的內容，完全當正係自己屋企一樣。

『你覺得個答覆係B定D呀？』

『我覺得係B囉』

『似係D wor』

『我覺得個女主角最後應該會死囉』

『你見唔見到個女主角呀，佢有冇去個車站呀』

『xxxxxxxxxxxxxxxxxxxxxxxxxxxxxxxxxx』

完全冇停過






今日在康怡睇12:45pm場坐J-7的女士

希望以後都唔會再遇到你

Milk

唔知係唔係因為最近成日諗住要睇戲，定係呢期有咁多戲想睇呢。自從早兩日買唔到『milk』的飛，個心就唔係好安樂 ... 今日上完日文堂，就去了IFC再睇戲 ..
本來打算睇完『Slumdog Millionaire』再睇多一場『milk』，到了戲院 ... 中午12點半場的『slumdog millionaire』full house ...

咁多人唔洗返工走去睇戲？定係個邊多富太，唔洗做就一早去睇戲呀！！！

結果今日只係睇左『milk』






『milk』和『changeling』都是真人真事改編而成的，他們的在世時所做的都成為了一個傳奇，影響了當時的社會，影響了身邊的人。

我其實是有點偏愛真人真事的故事，總是覺得很不可思議，大家都是生在同一個世界上，他們的一生卻活得比其他人不相同，大家之間的分別，是因為他們有堅持？信念？希望？


還是


現在大部分的人都缺少了勇氣去改變

電影週

星期一睇完oscar之後，就立即飛奔到UA太古睇『The Curious Case Of Benjamin Button』，要知道搵三小時去睇一套電影是很難的，放工後就太夜，早場最早都要12點幾，睇完 ... 就趕唔到教學生了。星期一沒有上日文堂，就剛好趕得上睇 ~~~~

星期二晚放工後，在starbucks坐了2個多小時 ... 等Z小姐放工，再睇戲
本來滿心歡喜地打算睇『milk』，結果 ... 係買唔到飛囉！九點五十分都full house ... 難道大家第二天都不用上班？
最後我們選了『Changelling』







已經有好多年沒有跟Z小姐兩個人好好地聊天，對上一次和她講心底話應該是中六的時候 (笑)，後來因為一點好私人的理由我們少了見面了。近年眼睇著她這的改變，變得更好，變得更成熟，以前是戀愛大過天的她，現在亦學懂分配時間給身邊的好朋友 - - - 就好似她有時會打電話黎問我死得未 ... 哈哈 ...
睇完電影，我們兩個人找了個地方聊天，由小學開始講.... 到畢業到現在 ... 直到2點多才各自回家。到你走之前，我們還可以見多少次面呢 ...
她六月就要去英國了，在中學的時候，聽到好朋友要到外國，總是會覺得不捨得。現在人大了，想法不一樣了，想見面的時候，有facebook、MSN、web-cam，再大不了就買一張機票再來一個深情的擁抱就好了。

等待

人總是花上很多時間等待。
我依家就坐在starbucks等友人z小姐放工，
朝九晚五的工作好像永遠都有OT，永遠都有做不完的工作。

我曾經都有羨慕過當OL的女士們，著整齊的suit，lunch time一班同事一齊食lunch,再講下上事和同事的壞話，星期六返半日，星期日就放假，一年仲有例假和公眾假期，放假放工就約朋友去玩，同男朋友拍拖 ..................,..,...............






都係羨慕下jei,我知當OL都不容易的，我亦很愛很愛依家的工作，雖然手停囗停。

Yeah Sean Penn

Sean Penn

奧斯卡的早晨

本來要返日文的早晨，因為奧斯卡的關係，出唔到門口。哈哈





一邊睇奧斯卡一邊整早餐，近日愛上了自制新鮮果汁，感謝媽媽將她的果汁機俾左我。（笑） 將食唔完買多左的生果、蔬菜通通放入去，不消一分鐘






滿足滿足

生日快樂

今年決定了在中環的蓮香樓食媽媽的生日飯。










會選上蓮香樓不是因為媽媽比較愛吃中菜，(她其實是喜歡吃日本菜的)事實上愛吃中菜的是其實是爸爸，他早在兩個星期前已經不停將一大堆的酒家名稱掛在咀邊。(笑)





霸王鴨 - 最愛八寶鴨內裡的蓮子，又香又鬆化，今次食仲要平左，只要 $150






好甜的芥菜魚唇






炆斑翅 - 呢個係爸爸的最愛，雖然 ... 個份量對於4個人黎講真係太多(笑)

手機第一次

Is my first time using my stupid phone to upload my blog. Hahahahaha. I really love to call her stupid phone. Haha






What are u doing right now.

最近太忙於去玩我的新電話，久久都沒有寫blog了。

我那用了差不多兩年的softbank，在兩星期前已經完全死亡，死前仲要毫無先兆。

是因為我那一晚睇bride wars睇到淚流滿面所以嚇到佢傻左嗎 ... 睇完電影返到屋企，佢已經全面慘白毫無反應，




那一晚，一看見兩個主角著住wedding dress的時候，眼淚就忍不住流






是因為人到中年，開始多愁善感嗎。
望住電影，想起了你。

中學的時候有想過，當我日後真係嫁得出，你一定會是我的伴娘。原來友誼是真的會跟隨時間、環境而改變的，我不再是一個可以分享你快樂、哀傷的朋友。

其實 ... 你有沒有為我們之間的改變而感到可惜 ...

年夜飯

尋晚和幾個朋友打了一個晚上的麻雀 ... 直到今早五點多才回到家 ...
睡了不夠四個小時，又要出動
打掃屋企、拎左兩大袋衫落樓下洗衣店、再要買糕糕的糧食，之後就是family time

是日好買︰Francfranc的Blanket



原本到Francfranc幫mammy買earphone

『嘩，你摸下張地毯，好舒服呀！(指住牆上的地毯)』

『係wor，係wor ... 』

『好靚呀！(仲要用隻手係張地毯上面不停打圈)』

『都真係幾靚，放係我屋企最perfect！』

『嘩 ~~ (尖叫中) 你睇下呢張係短毛豹紋o家 ~ (興奮中，仲要用雙手不停係張地毯上打圈)』

『哈哈哈 ~ 你做mei呀！你唔好以為冇人睇到wor，好多人睇住的』

『哈哈哈』

在做完以上白痴野的時候，發現左有張blanket係同張地毯同質地的，仲要有discount，由原本$680減到 $475。新年仲有spical offer，買滿$300，之後的product可以減 $30。

結果當然係再買多樣



放cotton用




shopping完就返左屋企食年夜飯






最愛煮野食超勁既mammy ~

最後來一盒mochicream來為這一個完美又甜美的畫一個句號。